Bisperas ng pasko nang maisipan kong bisitahin sa old mansion ang lola ko. Balak kong dito mag-celebrate ng pasko kahit natatakot ako kasi bukod sa nakamamatay ang kaguwapuhan ko, nakakaramdam din ako ng kakaiba. Naalala ko kasi yung sabi ni Mama na simula raw ng namatay si lolo, maraming beses na raw itong nagpaparamdam sa mga caretaker ng mansion. Minsan pa nga raw ay nagpapakita ito kaya wala ni isang nagtatagal sa mansion bukod sa lola ko.

Sa katunayan nga niyan, pinilit ko ngang sumama si Ate rito pero ayaw talaga niya. Palibhasa alam niya na mga pangit lang ang tinatakot ni lolo, buti na lang talaga hindi ko siya kamukha. Salamat kamo sa lahi ni lolo pero honestly, hindi ako naniniwala sa mga sinasabi nila. Kilala ko si Mama, alam kong pinagti-trip-an n’ya lang ako. However, kailangan ko pa ring alamin ang katotohanan.

Totoo nga ba ang mga sinasabi nila? Hayst, pa’no kung totoo? Natatakot ako baka kasi isipin ni lolo na caretaker din ako. Tsk, bahala na.