Isang gangster ang mapupunta sa bansa kung saan may mga hari at reyna, isang babaeng gangster na ang pangalan ay Adira. May isang hari na gustong kuhanin ang serbisyo niya para sa anak nitong prinsipe na si Prince Dylan. Gusto ng hari na turuan ni Adira ang anak nito na matutong lumaban gamit ang espada, ngunit may isa pang hiling ang hari, ang maging lihim na taga-bantay si Adira ng prinsipe dahil may gustong pumaslang dito, at ayaw ng mga ito na si Prince Dylan ang umupo bilang kapalit ng hari ng Stalwart Castle.

Maraming bagay ang hindi mapagkasunduan ni Adira at Prince Dylan. Seryoso ang isa, pero si Prince Dylan ang sakit sa ulo ni Adira. Sa tagal ng pananatili ni Adira sa palasyo ay nahulog ang loob ng prinsipe, pero hindi naman puwede dahil may prinsesa siyang dapat pakasalan, gustuhin man nitong umibig ng ibang babae ay hindi maaari.

Lahat ng kahina-hinala sa palasyo ay suspect para kay Adira. Pero hindi niya batid na ang traydor ay yun pang wala siyang ka-alam-alam tungkol dito. Hindi puwedeng manghusga lang dahil binabase niya ang lahat sa pinapakita ng tao. Nakalimutan niya na puwedeng bumaliktad ang lahat, ang wangis na mabait ay sa likod no’n ay masama.

Sa huli lahat ay mabubunyag, mga nakatagong lihim na kay tagal ng itinago para lang sa ikakabuti ng isang tao.